اين ذهب الرجل الوسيم الى ممكن نشوفه ف الشارع واحنا ماشين واحنا رايحين او ممكن يكون جارنا لو كان ربنا بيحبنا يعنى ... ف مصر ربنا بيحبك لو شوفت عينات مما يطلق عليه الرجل الوسيم وصفاته هى
( طويل وبمناسبة الطول يعنى عايزه اصحح معلومه بسيطه الطول بيتراوح من 180 وانت وطالع مش زى معظم الولاد المصريين الحلوين تلاقيه طوله من 160 وانت طالع بقا ل 170 ويقولك ده انا طوييييييييييييييييل )
ماعلينا نكمل الصفات ويكون عنده طبعا عضلات ولازم بردوا نصحح معلومات الشباب المصريين العضلات مش ان انت تمسك نفسك ووشك يحمر وتشد على دراعك وتقول بص العضلات بسرعه بسرعه عشان هى لحظيه وليست دائما ولازم طبعا الست عضلات الى هى نادرة الوجود عندنا ف مصر
تقولى جيبت المعلومات دى منين !! أقولك ربنا يخليلى
"mbc4 "
الى مش حرمانى من حاجه من أول "90210 "
_ وللمعلومات ده مسلسل لازم كل بنت تتفرج عليه لحد بقا
"ringer " "secret circle "
ولما كوريا كرمت علينا وقررت تعمل قناه فيها كل حاجه تخلى البنت المصريه اكثر اكتئابا
او
اصرار على البحث عن الرجل الوسيم
واحلى حاجه عندنا بقا فى بلدنا الحبيبه لما البنت تقول انا نفسى اجوز واحد وسيم وامور تبقى بنت بتحلم او مامتها ترد عليها بكل عقلانيه
" يابت خدى الواحد الى يسترك ويعيشك فى نعيم ولا تتحوجى لحد ابدا لكن الجمال مهو كلهم بيانتخو ف البيت ولا جمال ولا قرف "
تقوم البنت من خنأتها تروح تكلم صحبتها ترد عليها بكل وقار
" يابنتى البنت الجميله متلاقيهاش الا اخده واحده عينك متشوف الا النور او ف الحاله دى الضلمه والبنت الوحشه متلقيهاش الا اخده واحد امر وتقولى هو بصلها الزاى هو كدا يابنتى "
واعدت افكر مفتكرتش ان ولا ف القران ولا ف الانجيل ولا ف التوراه ايه بتقول
" الجميلين للوحشين والوحشات للجميلين "
وبقانون المصريين او العرب بشكل عام لازم يبقى فيه
"نسبه وتناسب " !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
اما الراجل بقا يسلام على الراجل المصرى وجمال الراجل المصرى يروح يقول لماماته انا عايز عروسه طويله ورفيعه
او
قصيره وف كلتا الحالتين لازم تبقى قمر
تقوم ماماته ترد عليه بكل حنيه " طبعا ياحبيبى اجيبلك ست البنات م انت من حقك تختار وتتمتع "
ويبقى ده طبيعى جدا ومن حقه جدا وربنا يرحمنا جدا
وافتكر "بابا " كان بيحكيلى مره وبكل فخر ان لما شفت مامتك وحبتها اشطرت على نينتك لما تروح تشوفها يبقى شعرها طويل
وربنا يكرمنى ان لقيت شعرها طويل وطبعا لو كان شال الموضوع من دماغه اذا طلع شعرها مش طويل كان هيبقى عادى مهو من حقه يختار الزوجه الى على مزاج مزاجه
لكن تخيلى البنت المسكينه لو جالها واحد كامل من مجميعه
التعريف من وجهز نظر الام المصريه : شقه ووظيفه ومستوى مادى كويس وعربيه كمان
وقالت انا رفضاه اصل هو مش وسيم يا ليلك ياسواد ليلك ونهارك ويومك وشهرك وممكن سنتك لحد لما ينسو
وطبعا كل يوم تسمعى مامتك العزيزه وهى بتكلم خالتك ف تليفون
" كل الستات بناتها عدله الا انا ربنا كاتب عليا الهم والمراره من اول لما اجوزت ابوها (الاب لازم يدخل طبعا ف الموضوع ) كل البنات يتسمع كلام امها الا انا تقولها اجوزى تقولها حاضر تقولها اعملى تقولها حاضر الا انا جمال ايه وقرف هيا منها لله امريكا دخلت ف دماغها قلت الادب (لازم امريكا والاجانب يدخلو ف سبب كل المشاكل بالطبع ) والكلام الفارغ "
ندخل بقا ف كلام الجد من غير لف ولا دوران الى انت عايزاها تتجوزيه واوعى تنزلى معايريك او تتخلى عن حاجه من تمنياتك وطلباتك زى م الراجل مبيتخلاش عن الى هو عايزه ف دماغه ويجوز ف الاخر بردوا على الاساس ده انتى بردوا كدا
الى انت عايزه حاربى عشان معايريك وطموحاتك واحلامك و
ملحوظه بسيطه "شكرا لصديقاتى الاتى دائما يتشابهن معى ف الافكار( الى كل الناس وبالذات المجتمع وبالذات الام )ا بيشوفها متحرره او غريبه او تفكير اجنبى بالرغم ان ده حق طبيعى لكل امرأه مثلما كان حق طبيعى لكل رجل
: أهداء الى
* أيه على
* جهاد جمال
