يوم المرأه العالمى "من وجهة نظرى"

بما أن النهارده اليوم العالمى للمرأه احب احكيلكو حكايتو :-

المرأه ايام زمان كانت بتُستعبد مكنش ليها اى حقوق .. مكنش ليها تصويت ف اى انتخابات مكنش ليها انها تترشح او تكون ضمن جمعيات ومكنش ينفع تشغل جميع الوظائف كان ليها وظائف معينه الرجل كان بيحددها او الدوله الى بيحكمها ايضاً الرجال .. وكانت المرأه تقع تحت ظروف عمل وحشيه كانت تحصل فيها المرأة على نصف ما يتقاضاه الرجل على العمل ذاته بمعدل ساعات عمل يصل لنحو 17 ساعة فى اليوم وكانت فى بعض الدول يجبر طفلها على العمل وهو مازال طفلا .. وفى بعض الدول الاخرى كان يمنع على المرأه وهى تسير فى الشوارع انها تنظر فى عين الرجل لان هذا نوع من انواع الاستخفاف او احتقار الرجل .. وكان رجال الدين يحرفون الكتاب المقدس ويزرعون فكره فى نفسون المجتمع الرجولى ان المرأه هى "الخطيئه  ولا يجوز اعتبارها جزء من المجتمع بل بدأو يتدارسون هل للمرأه "روح أم لا " 

لحد فى يوم من الايام عام 1857 قامت الاف من النساء بحشد مظاهره او بالاصح ثوره ضد المجتمع الإقطاعي الظالم المتوحش للأحتجاج على على الظروف اللاإنسانية الى كانو بيجبرن على العمل تحتها وطبعا كعادة الشرطه قامت لتفرقة المتظاهرات فى شوارع نيويورك بطريقه وحشيه بالضرب والاهانه والسحل واستخدام الرصاص واسالة الدماء .. وتابعت النساء طريقها فى الدفاع عن حقوقها وحريتها ولكن بطريقه خفيه لان الشرطه والدوله حاولت التعتيم على الأمر تصاعدت وتيرة محاولات المرأة من أجل المساواة، حيث بدأت النساء في الغرب بتأسيس الجمعيات والنقابات وإصدار المجلات النسائية المعبرة عن طموحات المرأة في المساواة مع الرجل في الأجر، وعرفت أول حركة للمنظمات النسائية باسم FEMINISM 

وبعد 52 سنه اتعملت مسيره أخرى وكانت حاشده بالاف من السيدات خرجوا بالحلل والصوانى والمقشات وأهم حاجه بقطعة رغيف قديمه وورود وسمو المظاهره "خبز وورود " وفعلا المره دى نجحو ان العالم كله يلتفت لحقوق المرأه  واعتبر يوم 8 مارس يوما عالميا للتضامن مع النساء في نضالهن من أجل المساواة في الحقوق وكان ذلك نقطة انطلاق في الحركة النسائية التضامنية .

**** وفى الوقت الى العالم كله فى مرحلة مابعد التطور بفضل الرجل والمرأه سوياً وفى الوقت الى المرأه بدأت تشغل كل الوظائف الى تتخيلوها "محاميه , قاضيه , معلمه , عالمه , مخترعه , محققة جرائم , عاملة إطفاء , وحتى مصارعه , ورئيسة دوله كمان " إحنا هنا مازلنا فى الوطن العربى وخصيصاً فى مصر المرأه بتتسحل وبتتضرب وبتتهان وبتتعذب وبتدخل السجون عشان بتطالب بحقوقها .. تطلع من السجن مغتصبه وتم التحرش بيها واعتدى عليها .. والعالم كله بيتفرج علينا وأولهم المسئولين واقفين ساكتين بيتفرجو .. ولسه احنا فى مرحلة "هى ايه الى وداها هناك " ومحدش بيجبلنا حقوقنا ولا حريتنا .. 

والرجل مازال فى المجتمع المصرى رجل "الانسان الوحيد " على الخريطه وكل يوم بقابل كتير من النساء اعذرونى الغبيات الى الرجل بيتحكم فيهم زى الخاتم فى صباعو معتقدين ان هى دى الطاعه وان انتى كدا تحفظى على الرجل بتاعك ..  " يالا الغباء "

الراجل يدخل عليها هو الى يحددلها هتشتغل ولا متشتغلش ولو هتشتغل هتشتغل فين .. هتعيش فين هتلبس ايه وهتبدأ تتحول انها تاكل الاكل الى بيحبو وتشرب الحاجه الى بيحبها وتلبس اللبس الى يؤمرها بيه وتعيش حياتها كلها بناءاً على الطريقه الى رسمهالها الراجل وحتى لو مش عجبو اسمها ممكن تغيرو عشانه .. وفى الاخر تصبح مجرد "خادمه " تطبخ تكنس تمسح تغسل وتربى الاطفال وتعتنى بجوزها وتسيب عالمها واصحابها والكتب الى بتحبها وتنسى نفسها لحد لما تكتشف انها اصبحت انسانه مازالت تتعرف عليها .. ويالا الاسف تواجه الجمله الى بيواجها ناس كتير " انا اتجوزت عليكى عشان انت معتيش بتهتمى بنفسك " وتبقى هى فى الاخر وحيده ...

وفى نفس الوقت الراجل المتحضر الراقى بأفعاله بيطبخ وبيساعدو بعض وبيربو الاطفال مع بعض ويكنس ويعمل كل حاجه فى اعمال البيت ويساعدها وهى تساعدو انهم يحققو احلامهم وطومحاتهم .. ويرتقو دائماً للأفضل عندنا هنا الراجل المصرى لسه بيشوف الأعمال دى والهرائات الى انا اعده بقولها "تشكيكاً فى رجولته " او بالأصح " انتى شيفانى سوسن قدامك " 

لكن فى المقابل انا بشوف رجال مصريين متحضريين جدا وراقيين جدا .. وبالرغم ان عددهم قليل الا انى فخوره بيهم انهم فعلا تغلبو على الفكره دى وبيحاولوا يطوروا من نفسهم ومن الشريكه الى معاهم ...

*** نصيحه اخيرا للمرأه العربيه والمصريه أنت قويه وانسانه واثقه من نفسك وتقدرى تحققى كل حاجه انتى عايزاها لان ربنا وضع فينا مقومات النجاح ومينفعش احنا نعمل ثوره وانت نفسك شايفه الكلام الى انا بقولوا ده هبل او انتى نفسك مش مقتنعه ان الست متنفعش الا ف بيتها ولو مقتنعتيش احنا اسفين ليكى ونتمنى لك حياه مطوله فى اعمال البيت لكن احنا النساء الى عرفنا قيمتنا فى الحياه عندنا عالم ووطن عشان نبنيه عندنا حياه عشان نتمتع بيها عندها حياه زوجيه رائعه مبنيه على التفاهم والحب والسعاده .. عندنا اصدقاء رائعين فى حياتنا بنخرج ونتمتع بصحبتهم عندنا خطه اسمها خطة الناجحات فى كل مجالات الحياه " 

_ بقلمى  "أسماء عصام "  ^_^

فى المدرسة

في المدرسة لا يعلمونك كيف تحب ،
لا يعلمونك كيف تكون غنيا أو فقيرا ،
ولا كيف تكون مشهورا أو مغمورا ،
لا يعلمونك كيف تتخلص من شخص لم تعد تحبه ،
لا يعلمونك كيف تقرأ أفكار الآخرين ،
لا يعلمونك ماذا تقول لشخص محبط ،
إنهم باختصار لا يعلمونك أي شيء يستحق المعرفة “

نيل جايمان

عانس، فاشلة ، انا مش هجوز

انا واحدة عندى أربعين سنة مثقفة ناجحة .. عندى شركتى الخاصة وزى ما بيقولوا كدا "عملت من ولا حاجه حاجه وابتديت من الصفر " والحمد لله جميلة أنيقة وبحب ألبس ماركات عالمية (طبعاً انا الوقتى بعلو فى نظركو وفيكو ناس نفسها تبقى زى وتستفيد من خبرتى)طيب ممكن أبتدلكو تانى من الأول ؟!!

أنا واحدة عندى أربعين سنة جميلة وعانس .
- ايه عانس ؟!!  :(
طبعاً نظرتكو الوقتى أتغيرت تجاهى خااالص حتى لو بعد كدا هكمل وأقول وناجحه وعملت لنفسى مستقبل وكل الشغل ده .. هيبقى الكلمة الوحيده الى فى بالكو الوقتى (يعينى .. بجد صعبت عليا )

طيب لو قلتلك ان ده كان أختياري

_ أكيد بتقول كدا عشان منشفقش عليها

لاء بجد ده كان أختياري

_ أكيد ندمتى بعد كدا

لاء مندمتش أنا اسمى سعاد وانا شابة كان دايماً عندى اراء مختلفة فى الحب .. كنت دايما بشوف الى حواليا الى جربو الحب بيشتكو منو والى مجربهوش بيدورو عليه دايماً وبيشتكو من غيابه وعمرى مفهمت العلاقة؛ اسمع ماما تدعى على اليوم الى أتجوزت بابا فيه والى جبتنا لدنيا دى ، وأسمع أختى بتشتكى من خطيبها انو مبيهتمش وبيكلم بنات تانية ولسه معاه .. واسمع صحبتى بتكلم على حبيبها وهى بتعيط الزاى بيعملها بالاسلوب ده وايه الى عملتو غلط عشان العلاقة تنتهى .
ومن جانب اخر بشوف هبل وعبط كل الى حواليا كنت بشوف اصحابى الى رجالتهم تضربهم وتزعقلهم ويكملو بردو فى العلاقة .. او يهينها ويتعدى على حريتها وتقولى عادى "مهو الراجل "
كنت بستغرب اوووى لما اسمع اخويا يكلم صحبو فى التليفون ويقولو "يابنى ادلها فوق دماغها هتلاقى ديلها هيتعدل هما كدا الستات تسيبلهم الحبل يأرطسوك " 

فى كل الظروف المحيطه بيا دى عارفه انكو هتقولوا "أكيد اتعأدت من الى حواليها ، ياحرام "؛ بالعكس قلت أنا هكون مختلفه ولما الاقى الانسان الى انا هحبو هنتعامل بطريقة مختلفه .. وفعلا حبيت واتخطبت وحاولت على قدر الامكان انى اتعامل بالحق والحب والوفاء وكل المبادئ السامية الى احنا قرينا عنها فى الكتب وكان الى حد ما مُتفتح بالرغم انو سعات قالائيه بيطلب طلبات غريبه او بيؤمر

" امسحى الولد ده"

 "ليه ده ابن عمى "

" مش عاجبنى"     لما اقول لصحابى يقولولى " حقو مش هو الراجل " بس مش ده الى خلانى كدا ؛لاء
انا كنت بحس انى دايماً لما بكون لوحدى مع اصحابى بين كتبى وعلمى دايماً بيكون اسعد لما اكون بحريتى .. عشان كدا قررت انهى العلاقة وتوصلت لقرار غيرلى حياتى كلها " انى انا مش هجوز "
بدأت أكمل دراستى ، بدأت أقرأ كتييير ، أتثقف ، بدأت أسافر واخد علم من بلاد برده كونت صدقااات كتير اوووى وناس فى بلاد بره اقتنعو جدا بفكرتى عن الزواج والحب .. وكنت فى قمة نجحاتى وكنت فخورة بنفسى جداً ومميزه عن بقيت الناس

ومميزات انى مكونتش متجوزه :-

• أصحى فى الوقت الى أنا عايزاه
• أنام فى الوقت الى أنا عايزاه 
• اكل وقت م انا عايزه .. عايزه اتغدى او متغداش اتعشى متعشاش ، عايزه اكل بره النهارده ، مش عجبانى اكله مكلهاش مش لازم اكلها عشان هو بيحبها 
• أخرج مع اصحابى برحتى ونضحك من غير هموم او لازم ارجع الساعه كام عشان اخد بالى منو
• ومميزات تانيه كتيييييير وأهمها "الحرية"

وفعلاً أشتريت عربية احدث موديل جبت هدوم كتير .. قتحت خط ازياء بجانب شركتى "حاجه تانيه بحبها " جبت شقه عملت ديكورتها غريبه ومختلفة .. 

"انا كنت سعيدة "

وأول لما دخلت حدود مصر ورجعت لأهلى وناسى والناس اصحابى كل نجحاتى أستبدلوها بكلمة واحده 

"عانس "

 نسو اد ايه انا تعبت عشان اوصل للمكانه الى انا فيها دى وكلهم شافونى مجرد انسانه فاشله واسمعو التعليقات :-

• بصو كل الحاجات الى عملتها فى بلاد بره دى تخبى بيها خيبتها التقيله انى ملقتش حد يرضى بيها
• طبعا هتلاقو راجل ايه يرضى بيها وهى ماشيه على حل شعرها فى بلاد بره شغل ايه وبتاع ايه للست
• الست ملهاش الا بيتها وعيلها هى اعترضت على سنة الحياة أقطعلكو دراعى منها ان مكنتش بتاخد علاجات اكتئاب متفهمونيش ان هيا كدا سعيدة
• انا بنتى لو فكرت تكمل تعليمها بعد الجامعه او تنزل تشتغل كنت اقطعت رجليها ليه مشفتوش سعاد الوقتى بقت عامله الزاى بتتحسر على اليوم الى كانت بترفض فيه العرسان 
• وحاجات غير دى كتيييييييير

وأنا كل لما أفهمهم انى سعيدة والله العظيم انا مكنت سعيدة فى حياتى اكتر من دلوقتى يقولى "اكيد هتقول كدا يعنى امال هتقول انى هى نفسها تتجوزى وان هى تعيسة فى حياتها " والمجتمع كل المجتمع بقا شايفنى

 "عانس "

وطبعا صحباتى المصريات بقو يتفادو انهم يتكلمو عن ازواجهم وعن حبيبهم قدامى احتراماً لمشاعرى عشان "متجرحش " واكتشفت اد ايه الناس والمجتمع دماغو متبرجمه على ان الست من غير بيتها وجوزها لا تساوى شيئ وان الست ملهاش شغلانه الا كدا وبس .
ووصلت لمرحلة انى أنا الى بدأت "أشفق عليهم " لأنى أكتشفت ان كل واحده من اصحابى بدأت تتدخل فى مرحلة اليأس المبكر بدأت تهمل شكلها وحطت حياتها كلها لخدمة اطفالها وجوزها وبس والى كانو متفوقين فى المدرسة وكنت بدعى ربنا لو يدينى 1% من ذكائهم بقم "ربات بيوت مقيتات " ميعرفوش الا "شهقة الملخية " ..

وسابو حياتهم وممكن كمان يكون قصروا فى حق ربنا .. وحياتهم كلها تمحورت حول البيت .. عشان دورو على الى المفترض يعملوه هما اتربو على كدا "من بيت ابوها لبيت جوزها للمقبرة " وفى الوقت الى بدأ يطلعلهم تجاعيد انا حياتى كانت لسه فى أولها .. 

* أنا تركت مجتمعى الى شافنى "عانس فاشلة " محققتش اى حاجه فى حياتها وأعده من غير ولا جوز ولا بيت ، أنا الوقتى اعده فى مجتمع شاف دور المرأة اكبر من كدا بكتير والحياة الزوجيه هى جزأ من حياتها ولست كلها .. انا مش ضد الزواج انا ضد التخلف والجاهلية .. أنا كل يوم بكبر عن اليوم الى قبلو "عملياً وربانياً وعلمياً واجتماعياً " وبحمد ربنا انى من 20 سنه فاتت اتخذت قرار
"انا مش هجوز "

#أهداء الى صديقتى "ايه " ومحدش يعمل تحليلات عبقرية ويقول "ايه " تبقى "سعاد " ^_^

هائمة

هائمةٌ في الطرقات .. بين العائلات بين الأصدقاء بين الأحباء .. بين الحياة والموت بين الوجود الذي لا يوجد .. والحقيقة التي في عالم الأوهام .. أنا توجد في هذا المكان الأسوأ على الإطلاق.. المكان الذي لا يوجد له مكان على الخريطة

 الذي يتسم بالغموض بالسواد بالعمق بالظلام بالكائنات 

المرعبة التي لا نعرف لها وجود أنا في هذا المكان الذي لا يوجد..

أنا لست سعيدة ولا حزينة .. لست ذكيه ولا غبية .. لست قويه 

ولست ضعيفة ..

لست ساديه ولا نرجسيه .. لست غائبة ولا موجودة ..

أنا لا شئ .. حقاً أنا لا شئ 

Married life

Married life is not the principles or alphabet we should walking on them .. It's a way to express "I love you"
So I will work everything for your happiness I am not in need to read books or listen to tips
"It's love that makes us do the impossible for who we love"

من كتابى الى انا لسه معملتوش :
الانسان فى الحياه بيمر مصاعب كتير .. منها الى ممكن يتغلب عليها .. وممكن الى بتسيب أثر جواه .. وممكن الى بيتأقلم أنه يعيش معاها .. الانسان السوى مش هو دايماً الى بيشعر بالسعاد .. هو الى ف منحنى دائماً .. الانسان القوى هو الى بيحاول دايما ً يبقى سعيد حتى لو عارفه انه عمر مهيبقى سعيد طوال الوقت .. عبارات التحفيز كتيره اووى ومعظم الناس لما تقرأه تتحفز لمجرد قرائتها وبس .. وناس تتحفز لفتره بسيطه وبس .. وناس تتحفز لبقية عمرها وتحاول تعمل من نفسها حاجه .. والاشخاص الى وضعت معايير الواقعيه .. معظم الناس مشو عليها .. طب ايه رأيك لما تحط لنفسك معايير واقعيه خاصه بيك انت زى : "عايز ألف العالم " "عايز ابقى مشهور " " عايز اطلع الفضاء " معاييرك الواقعيه مش واقعيه للمجتمع لكن مين قال ان المفترض انهيا تبقى واقعيه ليهم أولاً ؟؟!!

مُتضاربه

يقولون دائماً أبحث عن نصفك الاخر الذى يشابهك .. فى تفكيركَ .. فى حياتكَ .. فى ألوانكَ المفضله .. فى نوعيةِ الموسيقى .. وعندما رأته علمت أنه نصفه الثانى ولم تدرك أن " النصفَ الثانى  " سيكونُ مشكلتها الوحيده ..

لم تكن تدرى أن عيوبها لم تستطع أحتمالها .. لم يكُن يُدرك أن مناقشتهِ للأمور دائماً ستُخرِجُهُ عن وعيه .. كانوا يحبون بعضهم البعض .. يكرهونَ بعضِهم البعض ..

يريدونَ أن يهربوا بعيداً كل واحدٍ فى طريقٍ مختلف كأختلاف الأبيضٍ عن الأسود وكبعدِ الشرقِ عن المغرب .. ولكن كلما يحاولون ان يهربوا كلما زادوا تألماً وكلما حاولوا ان يقتربوا كلما زادوا عذاباً .. فهى كالنَفَسِ السام بالنسبةِ له .. وهو كالشريان القاتل بالنسبةِ لها .. 

ألمتهُ كثيراً .. فألمها كثيراً .. يقولُ أكرهكِ فى أربعةِ حروف .. تقولُ أحبُكَ فى خمسةِ حروف .. 

حينها صدقت علم الفيزياء " الموجب يتنافر , سالب وموجب يتجاذب " 

ولكن فات الأوان الأن فتعمق الألم كثيراً .. تعمق الحب كثيراً .. تعمق الكره كثيراً .. فكثرةِ الأشياءِ تقتُل .. فأذا تقاربا قتلو بعضهم البعض وأذا تباعدوا قتلتهُم الكثره ..

سيعيشون ويتعايشون يمكن أن يحبوا أخرين .. يتزوجوا أخرين  ينجبوا أطفالً أخرين .. ويمكن أن يكتفوا بتكوين الصداقاتِ الكثيره والأوقاتِ السعيدة الكثيره .. يبنون "الكثيره" حتى تطغى على "الكثيرة " الأخرى ولكن سيظلون دائما وأبدا ... 

كانت تعتقد أنه هديه وأجمل الهدايا التى تأتى دون مناسبه .. كان يعتقد أنها كالماء البارد لشخص فى صحراء لم يتذوق الماء ليومين .. ولكنه أكتشف أنها سراب 

مدمرةٌ هى .. مُدمَرٌ هو .. هما من سبب التدمير 

فلو تقابلوا فى المستقبل .. تغيروا قليلا فلربما يشفون صدورهم قليلاً .. ففى بعض الأحيان يجب ان نصدق الخرافات ...

" تظلُ أرواحَ الناسِ داخلُ أرديةَ الجسدِ حتى يعشقوا ; فأذا أحبوا نبتت للروحِ أجنحةً وأنشقت جدرانَ القلبِ , وطار النسرُ الجميلُ نحو قممِ الجبالِ البعيده  "                    

                                                              _أحمد بهجت